لمنصف المرزوقي... بعد تهجمو على الكريول

بعد هل المهزلة

أي لغة سيتكلم العرب القرن المقبل؟

http://aljazeera.net/NR/exeres/8C6519EE-E85C-4F8C-BB8A-2EB47F726517.htm?GoogleStatID=1

يجيك جواب....

ما فهمت شي إنت من الثورة، مافهمتش إلي تعيطلو الكريول هى اللغة إلي عملت الثورة و خلاتك تجي

لتونس بعد المنفى! اللغة الكريولية، هي إلي خلات وعي بالمجموعة يخرج عند شباب مكانش متسيس، الشيء إلي خالاه حاضر بش يتلم على موقف سياسي من غيير حسابات اديولوجية! كيفاش؟ بالفن راب،

موزيكا، فايسبوك و بلوغوسفار...إلخ

كان تبعت شصار قبل الثورة، راك فهمت برشة حجات، منها الحملات إلي صارو على انترنات كما "نهار على عمار"، "سيب صالح"، "حل بلوغ" و إلي تعملوا بالكريول، الحملات هاذم نحاو الصنسرى على كلمة صنسرى و

نحاو الصنسرة على كلمة "عمار"...

عطاو نوع متع وعي جماعي بالحرية لشريحة من الشباب إلي عمرهم ماشافوا و لا فهموا الحرية، الشي إلي خلا عدد لحرار يزيد... فما الموزيكا زادة إلي تبعت، كما مزيكت بنديرمان و إلى الراب إلي خرج مع الثورة... هما عاونوا برشة و مش شوية في تحرير برشة توانسة... الشيء هذا الكل ما عملش الثورة أما حرثلها ترابها....

برى أعمل طلة على بلوغات توانسة لهنا و اتو تفهم التوانسة بأناهي لغة يحكيو و يكتبوا.

http://goo.gl/VjBSH

وقتاش تنقصوا من التغريب لمعزوز، من سوسة الناصرية و من السكيزوفرينيا على النشرة الجوية! ما فهمتش إلي لغة الكريول هي اللغة التونسية، ما فهمتش إلي لبلاصة العقلانية الوحيدة للعربية ليوم في تونس، هذا كان مازال عندها بلاصة، هي وزارة الخارجية! ببي مرزوقي ما فهمتش إلي إنت عايش في 2011 و إلا تحب نفكروك في الكلمة الكريولية "DEGAGE"...